وصل و إنقطاع
أقبلت وأقفيت والدنيـا وصـل وإنقطـاع= لو زانت أيّـام مـا تبقـا علـى لونهـا
أنشهد إن اللّقا مـا هـو بمثـل الـوداع= وإن البشر مـا تـلام بدمعـت عيونهـا
وأنشهد إن المحبّـه مثـل سـم الأفـاع= اللّي تناهـش ثمـرت القلـب بسنونهـا
يا عاذل .. القلب ماله عن هواها إمتنـاع= ريّح ضميرك وخل الناس فـي شونهـا
خايف على ضيعتي ..! لعلّني للضيـاع= إن كان موفي لها بالحب وأصونهـا ..!
لا تحسب إنّي لهرجك مصغي الإستمـاع= هرجتك .. والله مدري ويش مضمونها..؟
بس الأكيد إن منته فـي هواهـا مطـاع= عساك فدوت لقـا روحـي بمضنونهـا
والله ما أتوب عن هاك العيون الوسـاع= لو توقف الروم والأتـراك مـن دونهـا
وأقولها بصوتي العالـي وقلـبٍ شجـاع= هذيك ( ليلى ) و ( إبن فاروع ) مجنونها
وإن قاله الله إلـيقفا الإجتمـاع إجتمـاع= وأروي ضما الكبد منها وأبـرد غبونهـا
سلك الغرام
قلبي اللي من هوى ذيك طاويـه الهيـام= فيه من فزعات أبوهـا وغيـرات أمّهـا
إملكت كل الأحاسيس مـا فيهـا كـلام= لو بغيـت أصـد بالعيـن قلبـي يمّهـا
كان ما هوجس بها الفكر .. جتني فالمنام= كنّها تقول السلامـه مـا عـاد تشمّهـا
تغري العاشق بحلـو الغـلا والإهتمـام= وآهني صـدرٍ علـى سنّـة الله ضمّهـا
كل ما دقيت الأوتار يـا سلـك الغـرام= ودّي أنسى كل دنيـاي وأرحـل يمّهـا
وإن تذكّرت الذوابل تحت طـرق اللّثـام= قلت يا ويـلاه يـا ليـت أبويَـه عمّهـا
والبروق اللي تلالا تحت جنـح الظـلام= عذّبـت نفـس المولّـع وزادت همّهـا
والغلا يثّر على الحال ملعـون الرّسـام= حالت أهله كن فيها الغلاث يسمّهـا ..!
عزتي عنها ليـا غـرّدت ورق الحمـام= كان همٍ لاج في وسـط جوفـي هَمّهـا
لي ثلاث شهور واليوم كنّه بألـف عـام= ساع يركد هـم نفسـي وسـاع يخمّهـا
ناويٍ لـي نيّـةٍ لا حـلال ولا حـرام= من دوافع غيض نفسي وفـورت دمّهـا
كل ما قوّيت عزمي وشدّيـت الحـزام= إنثنيت وهقويتي مـا قـدرت أتمّهـا ..؟
خوف بكره لا تجيتني مشاريـه ومـلام= والرجال إلها مواقف وأنـا مـا أذمّهـا
والرجل سمعه وقيمه وشيمـه وإحتـرام= واحدٍ ما إهتم بأهل الظفـر مـا همّهـا
والحقيقه سكّت النور أخير من الظـلام= والنفـوس يغيـب شيطانهـا ويخمّـهـا
نكبة زمـن
تقول منتـه علـى خبـري وطبعـك غريـب= قلـت :إيـه والله مانـي (راشـد) الأوّلــي
قالت :علامـك متعّبـك الزمـان التعيـب ..!= قلت :إيه ماني مـن صـدوف اللّيالـي خلـي
قالت : وقولك زمانٍ فات عظمي صليـب ..!؟= لـو هبّـت الريـح لا يمكـن تهـز إجبـلـي
وأنا الذي مـا عليّـه فـي زمانـي صعيـب= وأنـا الـذي يالغـلا كـلٍّ يهـاب إزعَـلـي
قلت :السعد يا غنـاة الـروح حـظ ونصيـب= المعذره كنـت جاهـل مـا عرفـت إعملـي
والوقـت هـذا يشيّـب فيـه مـن لا يشيـب= قالت :أجل .. قلت :أجل وش جابها كمّلي ..!؟
قالت :عرفت الجـروح ولا عرفـت الطبيـب= قلـت وبعـد كمّليهـا بـلا سبـب وإزعِلـي
قالت :لو أزعل مثل ما قلت مـا هـو بعيـب= العيـب للـي يسـاوون الجـمـل بالطـلـي
قلت :الطلي تعرفينه قالت :أمرك عجيـب ..!= قلـت :إيـه عـادي إذا مـا تعرفيـن إسئلـي
قالت :ترى الذيب يا (راشـد) بوسـط القليـب= لا تحسب إنّك مثـل مـا قيـل مالـك حلـي
قلت :إيه من علّمك .. قالت :كلامي مصيـب= قلت :إيه وشلون .. قالـت :علّمونـي هلـي
قلت :أهَلك بدو..!؟ قالت :سقم عين الحريـب= قلـت :البـدو فيهـم المنـحـط والمعتـلـي
هـل تفقهيـن الثعـل مكّـار والذيـب ذيـب= والشافعـي شافعـي والحنبلـي حنبلـي ..!!
والسفن وسط البحر والبحر ماله صحيـب ..!= يـا موجـة البحـر الأزرق ميّلـي وإعدلـي
وهل تعرفي ضحكة الجاهل وهم الأديـب ..!= وهل تعرفي ميـزة التالـي مـن الأوّلـي ..!
وهل تعرفين الـردا مذمـوم والقـدر طيـب= وإنّـا بشـر والرحـا دايـر بحكـم الـولـي
أنـا كلامـي كثيـر وخاطـري مستصـيـب= يعنـي إذا تعرفيـن أيّـةْ جــواب أكمـلـي
لأن الخيانات صارت لي مـن أقـرب قريـب= خيانتـه نارهـا فــي داخـلـي تصتـلـي
نكبة زمن لـو أعالـج جرحهـا مـا يطيـب= إعلاجها شئ من سيـف أبـو طالـب علـي
قالـت :طواريـك يعنـي مـا سببهـا حبيـب= قلـت :المحبّـه تهـون ولا إنكسـار إجملـي
وأنتي كلامك تناقض بعـد مـا هـو رهيـب= قالت :بخلّيك تنسى .. قلـت :صـدري ملـي
قالـت :بحـاول يصيـب العلـم وإلاّ يخيـب= قلـت :أسفهلّـي علـيّـه بالـغـلا وأقبـلـي
قالت :حياتي أحبّك مـوت هـل مـن مجيـب= قلت :إعقلي يـا مـره مالـي مـزاج إعقلـي
قالت :رجعنـا علـى ذاك الكـلام الخصيـب= قلت :أنتي إبـواد وأنـا بـواد يـا أم الحِلـي
قالت :جروحك ما ظنّي يا (بن ثاري) تطيـب= مع السلامـه مـا عـادك (راشـد) الأوّلـي
تسعـين كـيّه
ساع لدّيـت فيهـا لَـالمدامـع ذروفـه= قلت : وش فيك يا نور الحياه الشقيّه ..؟
توّنـا مـا بدينـا بالعـلـوم الطـروفـه= قالت : أنت اتعرف وش سبّت الضيق فيّه
قلت أنا الدمع .. ما ودّي بعينيك أشوفـه= قالت : الدمع .. دمعي .. والمناشف يديّه
قلت : يا قبلت أهل السيف وأجمل خشوفه= لا تلحِّق على درب الخطيّه .. خطيّه ..!
قالت : الدور داير .. والحيـاه معروفـه= وناظرتني وصدّت صـدّتٍ عنجهيّـه ..!
يـا حيـاةٍ بعدهـا مـا عليهـا حسوفـه= ليتني قبل لا تمشـي حسمـت القضيّـه
كان تبغاني أرحل ..! ما بوقتي مروفـه= علّموهـا تسامحنـي .. لا تشْـرَه عليّـه
ما معـي كـود قلـبٍ كـل هـمِّ يلوفـه= لا حصل له هواه .. ولا بقـا لـه بقيّـه
وكان تبغا قصيده ..! مـا عليّـه كلوفـه= موهبه من وليْ العـرش جـزل العطيّـه
أحكم القاف دون خلاف وأصرف حروفه= مثل صرف الذهب بأسواق نجـد العذيّـه
وأجتهد في قصيـده محكمـه ومخلوفـه= الوصايـف عجيبـه والمعانـي قـويّـه
من قدم عوده الـراوي لنقشـت كفوفـه= والمعاني لها بالجـاش ( تسعيـن كيّـه )
والشَّعر من كتوفه ليـن ياصـل ردوفـه= ذيل صفراً حموها أهل الوفـا والحميّـه
وخدّها البـارق اللـي ناشيـاتٍ قنوفـه= ومبسمٍ يـورد العشّـاق حـوض المنيّـه
وعينها عيـن حـرِّ كامـلاتٍ وصوفـه= مرسله ( خالد الفيصل ) لـ( زايد ) هديّه
والله اللي نوا لـه بالصخـا والمروفـه= من يمينٍ صخيّه .. فـي يميـنٍ صخيّـه
ما شقـا مثـل قلـبٍ مشقياتـه ظروفـه= منتحي في نحيّه .. والعرب فـي نحيّـه
كان قلبٍ شجـاع وبيَّـن الوقـت خوفـه= بين هـم الحيـاه ونـار الأشـواق حيّـه
والزمان أبعـد الغالـي وقـل معروفـه= حسبي الله على فعل الحظوظ الرديّـه .!
إغتنم فرصتك
لا تقولون السبب كَثْـرت إسرافـي= جعلهـا فـدوة ضيوفـي وواجبهـا
الكرامه ما إلحقـت قيمـة اللاّفـي= وكانهـا تخريـب والله لخربـهـا
نذر منّي كل مـا جانـي اسنافـي= لو يدي شحّت عن الضيف لقصبهـا
الضعافه عيب فـي كـل ميقافـي= والشواوي ما إغتنت مـن جلايبهـا
والكرم ما يصرفـه كـل صرافـي= جـل مـن يعـط الأوادم وهايبهـا
لي ضميرٍ حـي يافـي ويستافـي= والحقايـق شمسهـا مـا يغيبـهـا
الكرم مغـزاي والعـز مشرافـي= وقل دنيـا .. هامتـي مـا يعيبهـا
عُوجت الأرقـاب بالـذود تنشافـي= وأكثر زحول العرب مـن حبايبهـا
وإن لقيت الـذود بالعـج والسافـي= قلت هبـي ياهبايـب جبـال أبهـا
نظرتي قدام مـا ترجـع أخلافـي= والقناعـه كنـز وتعـز صاحبهـا
دام راسي حي والجسـم متعافـي= الدراهم حالـف إنـي مـا حسّبهـا
لأجل كلمة نعم تضفي على أوصافي= كـل مـا هبـت بذكـري هبايبهـا
سمعتي بالطيب من بين الأشرافـي= عندي أغلا من الدراهـم ومنصبهـا
واليميـن الوافيـه مدهـا وافــي= ما قصرهـا جـور وقـتٍ يعذبهـا
والعلـوم الغانمـه عـز وإلحافـي= لجلهـا حمـر العمايـم نعصبـهـا
سنة الأجداد يـوم الزمـن جافـي= سـوّد الله وجـه رجـلٍ يجنبـهـا
ودي أعلمك يـا حضـرة الغافـي= قيمـة اللّحيـه وقيمـة شواربـهـا
يا كثير الهرج لـو كنـت عرّافـي= كان هقـوات العـرب مـا تخيبهـا
حط الأسهم فوق مشروع الأعلافي= وإعـرف الأرزاق بيديـن كاتبهـا
وإن رجع لك ربحها كثرها صافـي= عقّب اللي يطلبـك مـن مكاسبهـا
وأنت ياللي فاهمٍ مـا حـوى قافـي= فتنة الدنيـا بـلا .. لا بليـت إبهـا
لا تروح علومك أرباع وأنصافـي= إكـرم الضيفـان وإمـدح بغايبهـا
الرواتب ماشيـه والأمـن ضافـي= أغتنـم فرصتـك والنفـس هذبهـا
لا أنت لا جايع ولا ماشـيٍ حافـي= طيب .. وعيالك على الطيب درّبها
وإكمل الواجب ولا تبحث الخافـي= كَشْفت الخافي ما تحمـد عواقبهـا
وإن طرحك الله على خملة الوافـي= معك أمانـه لجـل فعلـه تجنبهـا
الصداقـه دون ميـثـاق تنعـافـي= بكره إتعذربـك وإلاّ تعذربهـا ..!
وأهل النمّـه خفافيـش وضعافـي= لو يجـون بكلمـة الصـدق كذبهـا
والسنين إطوال وسمـان وعجافـي= لو فرحنا إبهـا مـا نامـن تقلبهـا
وإن غزتنا همومها تهرف أهرافـي= بالصبـر وبطاعـة الـرب نغلبهـا
بعض العلامات
حالـي نحيلـه وهـم البعـد قارضهـا= والقلب لا أقْبل ظـلام اللّيـل يهتاضـي
كـن العقوبـه علـيْ الوقـت فارضهـا= ما بين هـم الحيـاه وطـاري الماضـي
أهيم وأفتـل بيـوت الشعـر وأنقضهـا= وأقول يا وقت وين الخاطر الراضـي..؟
والحب مثل الظروف اللّـي نعارضهـا= كم من نفوسٍ بريّـه تحـت الأنقاضـي
يا تـرف الأقـدام حالـي لا تعرّضهـا= هـم ونكـاده وتاليهـا علـى الفاضـي
المزنه اللـي هبـوب الريـح تنفضهـا= ما سيّلـت قاعهـا لـو برقهـا ناضـي
وخيانتك مـن عطيتـك عهـد رافضهـا= وليا جفيت الدروب إطوال وإعراضـي
حاسب ضميـرك قبـل كلمتـك تلفظهـا= مصيبـة الحـب لا حاكـم ولا قاضـي
بعض العلامـات لـو إنّـك تلاحظهـا= ما قلت لـي ليـه متكـدّر ومغتاضـي
خـل المشاعـر تـريّـح لا تهيّضـهـا= ما باقيٍ دمع وسط العيـن مـا فاضـي
وإلاّ عهودك عليّـه ديـن مـا أنقضهـا= لو كان ماني عن اللي صار لي راضـي
باقي على العهد .. والأسـرار حافظهـا= وأنت إحتفظ فالعهد يا حسْـن الألفاظـي
النفـس فـي شوفتـك محـدٍ معوّضهـا= دايـم طواريـك مرباعـي ومقياضـي
والله يـا لـولاي أجاهدهـا وأروّضهـا= وأقول يا مخاصم القاضي من تقاضي ..؟
ليبيّـن الشيـب فاللّحيـه وعارضـهـا= والسبّه أنت وغلاك وطـاري الماضـي
راع الهوى
وآقلبي اللـي عليـل وعلّتـه علّـه= قلبي من الوقـت عزّالـي وعزّالـه
قلبي ما يلقا الدوا بالطـب لا واللّـه= إدواه شوفت مناة الـروح ووصالـه
يا ما حلا الوصْل لا وافق على حِلّه= لكـن مـا كـل محبـوبٍ تهيّـالـه
راع الهوى كم دروبٍ ما تهيّـاً لـه= مرهق ومشتاق في حِلّـه وترحالـه
متكـدّرٍ خاطـره والحـال منسلّـه= وفي كل ليله يشايـل همّـه لحالـه
يفتح سجل الهوى ويطـوّي سْجلّـه= من عهد أو زيد والحاله هي الحالـه
باللّه ياللـي تـرود الـدرب وتدلّـه= إخذ الأجر من عليـلٍ ضايـقٍ بالـه
إن جتك فرصه تهيّالـه وميّـل لـه= قلّه يسلّم عليك .. وشف لي أحواله
وقلّه عن اللي حصل في غيبته كلّـه= اللي هرجت إلك من دقّه ليا جلالـه
وليا سمع ما حصل في غيبتـه قلّـه= ترى مـرد الخبـر منـه أتحرّالـه
ومشكور يا راعي المعروف في حِلّه= طيبك على الراس بقفايـه وبقبالـه
بعض المعرفه
يا مصعب الأعذار لا صرت محتـاج= من صاحبٍ يقدر على سـد حاجتـك
تجيه مرهي .. طامـعٍ منـه بإفـراج= وإليا إنطلق خاطرك الأعذار فاجتك..!
بعض المعرفه كلها ضحكت حجـاج= سولف دقايـق وإنـدرج فإندراجتـك
لا ترجي الفزعه لـو الهـم سهّـاج= من فوق همّك وش تبي بإنحراجتـك
اللي ما يعـرف للمواجيـب منهـاج= يسهجك .. ويزيد الكدر بإنسهاجتـك
والصبح من بيـن الأجاويـد هـرّاج= تبغى الفرج وهو الحرج وإنزعاجتـك
ما عاد تلقـى صاحـبٍ مثـل هـدّاج= يضيـق معـك وينبهـج لإنبهاجتـك
هـذا زمـان العنجهيّـه والإزعـاج= وتلقى الحقايق في ظروفك ليا جتـك
ضيق وكدر خاطر وتنكيـد وإحـراج= يا وقتنا الراهن يـا مكثـر سماجتـك
صبري نفذ والقلب كنّه علـى صـاج= يا الله من جـور الزمـن بإنفراجتـك
يا كافـل الأرزاق لشعـوب وأفـواج= إلطف بنفـسٍ تالـي الليـل ناجتـك
تطلبك غفرانـك وتدعـوك مخـراج= رحماك ياللي كـل نفـسٍ بحاجتـك
هــبوب الايــام
الضيقه اللي معي عيـت تفارقنـي= لوسقت الاقدام من ديره إلى ديـره
ماكنها إلا علـى شفـي تسابقنـي= لو كنت مبغى لها خـوه ولا جيـره
الوقت من كاسة الامـرار ذوقنـي= والحظ معثور من حفـره لدحديـره
هـمٍ يغربنـي وهــمٍ يشرقـنـي= وين المراكب رست بي يالله الخيره
لاصار وقتي مضايقنـي ومرهقنـي= وش خانة الشعر لو كثرت جماهيره
هبوب الايام مثل المـوج تصفقنـي= والقلب ماعوض إبداعي مخاسيـره
اهيم واليا صحيت اشوي يطرقنـي= هبوب ثقل العقل واعيش في حيره
أنا الذي في يـدي مسلمـه دقنـي= ولا وش ابغى ورا هنده وكشميـره
حسبي على القلب عيا منه يعتقنـي= وقف معه وقفت الفارس على بيره
وين إنت طول غيابك يا مفارقنـي= ارجع وغيرك مابي حبه وتقديـره
من وين ماوجه الذكـرى تطوقنـي= وجدي على السيره اللي مالها سيره
غلاك في وقتي الماضـي معلقنـي= في كل لليله يعيد الفكـر تصويـره
حاولت بصد لكن قمـت تسرقنـي= ورجعت لك شايلٍ ذنبـك وتكفيـره
صبرت واليوم جيت الصبر عايقني= بيتٍ بنيته مايمحى الوقت تعميـره
لو كان طاريك وسط الصدر يحرقني= حلفت مايسكنه غيـرك ولا غيـره
إن كان قلبك مثل ماأعشقك يعشقني= يفداك من سببت فرقـاك تدميـره
تعال ماعاد عندي صبـر صدقنـي= لو الخطاء منك من عندي معاذيـره
ماعاد به شيء بغيابـك يشوقنـي= إلا صدى صوتك اللي بيح السيـره
ولا عاد به شيء بغيابـك يروقنـي= إلا لجا الدمع سيلٍ مـن محاديـره
هذي خلاصة علومـي يامفارقنـي= واليا وصلك الخبر عجل تباشيـره
عيد الفطر
سـلام ياللـي عليـه الحـال مبريـه= اللي ضلوعي على لامـاه منهصـره
اون ونـة قهـر وافــرك ايـديـه= وقتٍ قضيناه ياحزني علـى عصـره
عيد الفطر مرنـي مـن دون عيديـه= اضحك لو إن الفرح مقدر على نصره
بالصـدر غـارات جويـه وبـريـه= ماصابكم صاب قلبي ياأهـل البصـره
أنشهدأنـه غزانـي لارحـم حـيـه= بجيوشه اللي ثمـان سنيـن منتصـره
ماهـي صناعـات برمـاحٍ طبيعيـه= قواعد الموت من عينه اليـا خصـره
يهـدم ويبنـي علـى كيفـه بحريـه= الجيش من تحت شوره والقصر قصره
والقلب لـو مابغـى طاريـه موليـه= مصعب من التلـه إلا قـوة العصـره
من زود حبه مـع اللـي يفعلـه فيـه= ياطول وقتي بدونـه معـه ياقصـره
غـلاه فـي خافقـي دبـره إلاهيـه= حتى بكلمة (أحبك) مقـدر أختصـره
غلاه كـل المشاعـر فيـه حصريـه= واتقنت فن القصايد من بعـد حصـره
إبيـه وأغلـيـه وأحـبـه بعفـويـه= يجرح يداوي يغيب ايرد لـي بصـره
بارب عفوك
وثقة بك يابحر وأثر البحـر خايـن= من راحة الصدر صار الغدر عنوانك
ما كن قلبي فطين وعينـي اتعايـن= نساني الغـدر لؤلـؤك ومرجانـك
يابحر قلي وش المخفي مع البايـن= خليتنـي لقمـةٍ بحلـوق حيتانـك
ياشين بعض الماينه منـك يامايـن= خلتني اعيـف شاطيـك وجيرانـك
صفيت أنا وأنت ياشعري على لاين= سيد طريق السعد لا سادت أحزانك
الضيقه اللي سببها خاطري شايـن= اقفيت من شانها مدري على شانك
ادموع الأعيان شرهتها على الفاين= وجروح الأيام شرهتها على اللحانك
العام يـوم الليالـي وقتهـا زايـن= نور الفجر والبحر بعيـون خلانـك
واليوم لا عاد تنشدني وش اعايـن= سلم على سلـم جدانـي وجدانـك
لاصار مالك على جور الزمن عاين= لـدار دارك ولا الميـدان ميدانـك
الهينه ماتليـق إلا علـى الهايـن= اللي بقربه تموت ولا اعتلى شانـك
في ساعةٍ تفرق المديون والدايـن= يارب عفوك وعافيتـك وغفرانـك
ماتمنعه ممتنع مـا تقسمـه كايـن= ياخالقي لا إلاه إلا أنـت سبحانـك
أهــم الأمــور
على الهون يا حلم المشاعر وشوق العين= على الهون يا مظنون راع الهوى راعه
قبل لا تروح أسألك بالله رايح وين..!= ترا النفس من تالي طواريك مرتاعه
تمهّل وروّق وإنتفاهم برفق ولين= ترا القلب لا أقفى منجرح صعب مرجاعه
لا صار الأمر شورى لا بد الأمور تزين= مقادير والشورى للأخصام نفّاعه
نعاتب بعض لو ما لنا بالفراق إيدين= تخون الظروف كفوف للورد زرّاعه
حدتنا الحظوظ العاثره والزمان الشين= والأيّام لأحلام المحبّين قطّاعه
أهم الأمور إنا ما نفقد بعض هالحين= لوإن المواصل في شريحه وسمّاعه
ترا الحب أمانه حفظها من وفا الوافين= لها شانها لو الزمن شانت أوضاعه
لو تشوفها كلمه بسيطه ومن حرفين= على القلب تنحت نحت ما تزرع ازراعه
وتراك أنت تعرف في حياتي وجودك زين= وأنا أعرف وجودي شف قلبك ومرباعه
تعاهدت أنا ويّاك والعهد مثل الدّين= ما يجرح غلانا طاري البعد بأنواعه
ويبقى غلانا سر والسر بين إثنين= ولا من درابه غيرهم ضاعة أسناعه
تبي الصدق أحسب إن الغلا مثل سور الصين= وأشوف الهبوب البارده هزّة إشراعه
أفا .. ليه ما كنا تعبنا وذقنا البين= وصبرنا على التفريق والبعد وأوجاعه
نكابر ونصبر والمواري علينا تبين= ضنى الشوق مثل الشيب ما ينفع إقناعه
مهوب أنته اللي قلت لي روح في جسمين= أنا وأنت يا أغلاهم إلى قومة الساعه
وعن هرج غيرك في سموعي عجين وطين= فدتك السموع اللي لعاذلك سماعه
مهوب انته اللي في عيونك مقامي وين= عيونك على شاني من النوم جزاعه
اذا ماانته اللي ما يداري شعوري .. مين؟= يداري شعورٍ من عنا الوقت ملتاعه
من البارح أبحر بالتفاكير بين وبين= صدوق المشاعر صدق قلبه من أطباعه
وش اللي حصل كنا سوى بالغلا مرهين= يا ملح القصيد وملهم الفكر وإبداعه
خفوقٍ عطاك الود تهدي له السكين..!= جزا انه وفا لك تشعل النار بأضلاعه..!
إذا كان قصدك تنحني هامتي مسكين= عسى الله يبيحك والرجاجيل بتّاعه
أحذّرك ما أخيّرك وحده من الثنتين= أنا رجل شامخ ما حدٍ يلوي ذراعه
مثل مالي أعدا في حياتي لي محبين= ولي هيبتي في غابة ذياب وسباعه
وإذا كان قصدك تعرف إنك من الغالين= ترا أغلا ما عندي راح لعيونك وداعه
لايلحقك شك القلب واحد ما هو قلبين= تحمل غيابك والعذل فيك ما طاعه
أحبك وأعزك وأعشقك وأستلذّك لين= ترابٍ خلقنا منه نرجع على قاعه
كبرنا وعدّينا الثلاثين خمس سنين= ولا زالت عيونك لها السمع والطاعه
على ما قضينا في بدايات عام ألفين= على الحرام أحن وأشتاق بالساعه
27-06-2010, 02:56 PM
ديوان الشاعر/ راشد بن فاروع العازمي
العرض العادي
المواضيع المتشابهه
